تجربة حرف على Windows
دي نسخة تجريبية (0.3 beta) من حرف، البرنامج اللي بيصلّح الكلام اللي بيتكتب على الكيبورد الغلط. شكرًا إنك بتجربها! محتاجين نعرف هل بتشتغل صح على جهازك.
1. شغّله
- دوس كليك يمين على ملف الـ zip واختار Extract All. متشغّلوش من جوه الـ zip.
- افتح فولدر Harf اللي طلع، ودوس دبل كليك على Harf.exe.
- لو ظهرت رسالة زرقا Windows protected your PC: دوس More info وبعدين Run anyway. دي بتظهر علشان البرنامج لسه مش موقّع، مرة واحدة بس.
- هتلاقي أيقونة حرف جنب الساعة تحت (ممكن تكون جوه السهم ^). كليك يمين عليها تفتح القائمة.
2. اتأكد إن عندك كيبورد عربي وإنجليزي
Settings ← Time & language ← Language & region. لازم يكون فيه English والعربية. لو العربي مش موجود: Add a language ← اكتب Arabic ← ضيفه. وفي إعدادات حرف، تاب الكيبوردات هيقولك لو فيه حاجة ناقصة.
3. شغّل السجل علشان نعرف لو فيه مشكلة
كليك يمين على أيقونة حرف ← الإعدادات ← تاب عام ← تحت خالص علّم على سجّل اللي حرف بيعمله.
4. جرّب دول بالترتيب
افتح Notepad، واكتب في كل تجربة، وعلّم صح أو غلط.
| # | اعمل كده | المفروض يحصل |
|---|---|---|
| 1 | خلّي الكيبورد English، واكتب hgsghl ugd;l ودوس مسافة. | يتحوّل لـ «السلام عليكم» والكيبورد يتحوّل عربي لوحده. |
| 2 | والكيبورد عربي، اكتب «اثممخ» ودوس مسافة. | يتحوّل لـ hello والكيبورد يرجع English. |
| 3 | بعد ما كلمة تتحوّل، دوس Backspace على طول. | ترجع زي ما كتبتها، ولو كتبتها تاني مش هتتحوّل. |
| 4 | اكتب جملة عربي عادية، وجملة إنجليزي عادية، على الكيبورد الصح. | ولا كلمة تتحوّل. |
| 5 | اكتب hgsghl من غير مسافة، ودوس Ctrl+K. وبعدين دوسه تاني. | تتحوّل «السلام»، والمرة التانية ترجع. |
| 6 | حدد بالماوس كلام مكتوب غلط زي hgsghl ugd;l ودوس Ctrl+K. | النص المتحدد يتحوّل كله. |
| 7 | على الكيبورد العربي اكتب أرقام. | تطلع 123 مش ١٢٣. |
| 8 | على English اكتب ezayak ودوس Alt+Shift+F. | تتحوّل «ازيك». واتأكد إن الكيبورد متحوّلش لوحده لحاجة غريبة. |
| 9 | اكتب كلمة عربي، حددها، ودوس Alt+Shift+A. | تتكتب بشكل غريب ومقلوب في Notepad (ده الطبيعي، ده الشكل اللي الفوتوشوب محتاجه). |
| 10 | افتح أي صفحة تسجيل دخول في المتصفح، وفي خانة الباسورد اكتب hgsghl ومسافة. | مش المفروض تتحوّل. |
| 12 | الإعدادات ← الإضافات ← نصوص جاهزة: ضيف الاختصار /عنواني وأي نص. وبعدين في Notepad اكتب /عنواني ودوس مسافة. جرّبه كمان والكيبورد English. | يتحوّل للنص الكامل في الحالتين. |
| 13 | الإعدادات ← الإضافات ← علّم «افتكر الكيبورد لكل أبلكيشن». اكتب عربي في Notepad، وإنجليزي في المتصفح، وبعدين اتنقّل بينهم. | الكيبورد يتحوّل لوحده للغة اللي كنت بتكتب بيها في كل واحد. |
| 14 | وانت في Notepad، افتح قائمة حرف (كليك يمين على الأيقونة) ودوس «متحوّلش في notepad». اكتب hgsghl ومسافة. | مش هتتحوّل في Notepad بس. شيل العلامة بعدها. |
| 15 | انسخ ٣ أو ٤ حاجات مختلفة (Ctrl+C) من أي مكان. وبعدين في Notepad دوس Alt+V. | تظهر قايمة باللي نسخته جنب الماوس. اختار بالأسهم وEnter أو برقم، يتلصق في Notepad. |
| 17 | افتح سجل الحافظة (Alt+V)، وعلى حاجة منهم دوس Ctrl+P (أو كليك يمين). وبعدين انسخ حاجات تانية كتير وافتحه تاني. | الحاجة اللي ثبّتها فاضلة فوق وجنبها 📌، حتى بعد ما تدوس «امسح السجل». |
| 18 | خد سكرين شوت للحافظة (Win+Shift+S)، وانسخ ملف من File Explorer (Ctrl+C). افتح سجل الحافظة. | الصورة ظاهرة كصورة صغيرة، والملف باسمه. اختار الصورة في Paint أو واتساب تتلصق صورة، واختار الملف في فولدر يتلصق الملف. |
| 16 | انسخ رقم مكتوب بالأرقام العربي زي ٠١٠١٢٣٤٥٦٧٨ والصقه في Notepad. | يتلصق 01012345678. |
| 11 | كرّر تجربة 1 و2 في Chrome أو Edge، وWord، وواتساب ديسكتوب لو عندك. | نفس النتيجة. |
5. ابعتلنا
- أرقام التجارب اللي اشتغلت واللي لأ، ولو فيه حاجة غريبة صوّرها سكرينشوت.
- ملف السجل: الإعدادات ← عام ← افتح فولدر السجل ← ابعت ملف debug.log. فيه الكلمات اللي حرف قرر يحوّلها، فلو فيه حاجة خاصة امسحها قبل ما تبعته.
- نسخة Windows: دوس Win+R واكتب
winver، وصوّر اللي يطلع.
بعد ما تخلّص
اقفل السجل من الإعدادات، وبعدين كليك يمين على الأيقونة ← خروج. علشان تشيله خالص: امسح فولدر Harf، وامسح فولدر %APPDATA%\Harf.
أي جهاز Windows عادي ينفع معاه ملف x64. ملف arm64 بس للأجهزة اللي بمعالج Snapdragon (زي بعض أجهزة Surface). تعرف من Settings ← System ← About ← System type.