الشروط

آخر تحديث: أكتوبر 2026

الرخصة

• الرخصة مدى الحياة لنسخة حرف 1 وكل تحديثاتها، وبتشتغل على جهازين في نفس الوقت، ماك أو ويندوز.
• الرخصة ليك انت، أو لجهازين انت بتستخدمهم. متتشاركش مع ناس تانية ومتتباعش.
• لو الرخصة اتشاركت أو اتسرّبت، من حقنا نوقفها.

التجربة

التجربة 7 أيام كاملة على كل جهاز. بعدها التحويل الأوتوماتيك والاختصار بيقفوا لحد ما تفعّل رخصة. ميزة الأرقام الإنجليزي بتفضل شغّالة مجانًا مدى الحياة.

البرنامج

• بنعمل أحسن ما عندنا علشان حرف يحوّل صح، بس ساعات بيغلط. راجع النصوص المهمة قبل ما تبعتها.
• متحاولش تكسر حماية البرنامج، أو تعدّل فيه علشان تشغّله من غير رخصة.
• قوايم الكلمات اللي الموديل اتدرّب عليها من مشروع FrequencyWords، ورخصتها CC-BY-SA 4.0. ملفات الموديل اللي جوه البرنامج متاحة بنفس الرخصة.

الدفع

الأسعار بالجنيه المصري. الرخصة بتتبعت بعد ما نتأكد إن التحويل وصل. واسترجاع الفلوس بيكون حسب سياسة الاسترجاع.